الاثنين، 21 يناير 2008

عيب

ليه لما سنك يعدى العشر سنين كل حاجة بتبقى عيب
الضحك فى الشارع عيب
الهزار عيب
الحب عيب
مرة كنت انا وامى راكبين ميكروباص
وكان فيها اغنية عجبانى
قعدت اغنيها بصوت واطى
راحت امى شاخطة فيا
وقالتلى عيب
كل حاجة عيب
عيب

هناك 17 تعليقًا:

مصطفى اسماعيل يقول...

حب ايه يخرب بيتك هتودينى فى داهية

بصى
عشان ماتبعنيش مع اول قفا
انا بكتب بس
وانتى اللى بتقولى


ولا اقولك

اكتبى يابنتى
ينعل ابو السوكات

غير معرف يقول...

ممبروك المدونة يا توتة
إنت ياض يا مصطفى سيبها تكتب اللي هي عايزاه

Hypatia يقول...

توته

يا بنتى ما هم اهلك تمام اهو وماما خايفه عليكى مش اكتر وعندها حق لانك كبرتى يا توته

السؤال بقى مامى ليه يا توته معلمتش مصطفى الصح والغلط
لييييييه

^ H@fSS@^ يقول...

لا يا حبيبتي انت لسه مشفتيش حاجة
بس احلى حاجة انك بديتي تدوين يا عسل
انا حفصة اللي بكلمك على التلفون و اعاكسك
هيهيهييي
بوسة و الف مبروك المدونة الجديدة

tota يقول...

مصطفى

كدة تطلعنى قدام الناس انى ببيعك من اول قلم
على اساس انك ما بتبعنيش
وعلى العموم شكرا على اخر حتة " بس " فى تعليقك

tota يقول...

عزة

الله يبارك فيكى
ويارب تعجبك

tota يقول...

يحيى

شكرا على الزيارة

بالنسبة لمصطفى مش هينفع اسيبنى منه دلوقتى
لأن هو اللى بيكتبلى على المدونة
لكن بعد ماتعلم شوية هسيبنى منه اكيد

tota يقول...

نسرين

عندك حق هما ساعات بيكونوا خايفين عليا
بس هما دايما شايفين انهم صح
واحنا كل حاجة بنعملها غلط

شكرا لتعليقك
ويارب المدونة تعجبك

tota يقول...

اه
مصطفى والله ماما بتعلموا
بس هو ما بيسمعش كلامهم خالص
لا فى الصح
ولا فى الغلط

tota يقول...

صفصف

انا بجد فرحانة انك جيتى المدونة
انا نفسى اشوفك لما تيجيى مصر

عاشقة الوطن يقول...

السلام عليكم

ازيك ياتوتة

مبروك المدونة ياجميل

بصي ياستى هو لان البنت لما بتعدى ال10 سنين بتكون غير قبل كده
اكيد بتكبر واللى حواليها بيبصوا عليها وبتكون غير ما كانت وهى صغيرة
وان اى تصرف بيلفت النظر ليك غير لما كنتى بتعملى الحاجة ديه وانتى صغيرة

عارفة ان ممكن الاهالى يبقوا فاكرين ان هما صح على طول الخط
بس والله فيه حاجات كتير لو تكبري شوية وفكرتى فيها هتلاقي ان اهالينا كانوا صح فيها

وفيه حاجات هما يمكن مش فاهمينا زى مااحنافاهمينها

بس صدقينى ان فعلا هما بيكونوا خايفين علينا

على الرغم ان انا قربت على 21 سنة بس فيه قيود كتير عليا
وعلى الرغم من ان القيود ديه بتضيقنى كتير بس والله بفرح جدا لما الاقيهم خايفين عليا وبيقولوا على حاجات بعملها انها غلط او صح
بفرح بخوفهم عليا

وعشان انتى فعلا بدأتى تكبرى لازم يقولوا ان الحاجة اللى انتى كنتى بتعمليها زمان ينفع تعمليها دلوقتى ولا لأ

تحياتى ليكى ياتوتة ومبروك المدونة
واتكلمى براحتك وقولى على اللى فى قلبك

وسلميلي على مصطفي

سلام ياجميل

^ H@fSS@^ يقول...

هههههههههههههه
غيرتي صورتك و خلتيها جيفارا؟؟
متخليش مصطفى ينقع عليكي مخه و النبي
حطي صورة تعبر عنك انت مش عن اللي في دماغ اخوكي

واوعي تكوني من النوع اللي بيكتي بوست و ينام بعده
يلا ما جديدك؟

تحياتي

غير معرف يقول...

هو إنت كتبت بوست و خلاص على كده

tota يقول...

رضوى

الله يبارك فيكى
انتى عندك وهما بيخافوا علينا
بس فيه قيود زى مانتى قولتى
وساعات بيكونوا مش فاهمنا

الله يسلمك
نورتى المدونة

tota يقول...

صفصف

غيرت الصورة خلاص
اى خدمة

tota يقول...

يحيى

انا هكتب دلوقتى واحد اهو

Yasmine Adel Fouad يقول...

فاطوم

مبروك المدونة الأول
أنا مش عايزة أعقدك بس كل ما البنت بتكبر كل ما حدود العيب بتكبر معاها و كل ما اللى ما يصحش بيزيد ، عايزة تكسرى الحاجز ده يبقى من الأول كده اتعلمى تفهمى معنى الشئ و ليه صح و ليه غلط و لو مش فاهمه قولى و لو مش مقتنعه قولى و اتعلمى تكتبى بنفسك عشان ما تتحوجيش لحد حتى لو اخوكى :)
اتعلمى تعتمدى على نفسك و فكرى هل لما حد بيقولك على حاجه متنفعش عشان بس هو خايف عليكى و للا عشان هى فعلا متنفعش و للا هو عشان و هو صغير قالولوه كده و اكيد كل اجابه من دول ليها صرفه لوحدها

حاسه انى ببخ سم :) بس فعلا ما تخافيش يا طمطم دى مشكلة جيل مش مشكلتك لوحدك .. و احنا بس حبينا نمسى